Ginatun-an karon sang probinsya ang posibilidad sang booster shots para sa mga healthcare workers nga nabakunahan sang Sinovac vaccine.
Suno kay Atty Rayfrando Diaz ang provincial administrator, ginapa tun-an sa karon sa mga duktor sa probinsya kun sarang mabakunahan sang booster shots ang mga healthcare workers kasunod sang kaso sa Indonesia kun sa diin ginatos sa mga health care workers ang nalatnan sang Covid 19 kag masobra sa isa ka gatos naman ang nagkalamatay.
Suno kay Diaz ginalantaw ang posibilidad sang booster shots gamit ang ginbakal nga bakuna sang probinsya agudto mas mapabakod pa gid ang kahimtangan sang mga healthcare workers ilabi na sa Delta variant.