Ang gina monitor sang PAGASA nga cloud cluster ukon ang pagtipon-tipon sang panganod sa eastern portion sa gwa sang Philippine Area of Responsibility ang subong nga hapon isa na ka low pressure area.
Ang ini nga LPA ang may tsansa man nga mangin isa ka bagyo kag kun mangin bagyo na tawgon ini nga Wilma.
Sini nga Disyembre ginapaabot nga may 1 tubtob 2 ka bagyo nga masulod sa Pilipinas.
Kun mangin isa gid man ka bagyo, ini ang ika 23 na nga bagyo nga masulod sa Pungsod. 2013 ang ulihi nga naglab-ot sa masobra 23 ang bagyo nga nag sulod sa Pilipinas. Sang amo man nga tuig nag igo ang Super Typhoon nga Yolanda sa pungsod.
Basta bulan sang Nobyembre kag Disyembre kalabanan sa mga bagyo ang naga labay sa Visayas. Ginaduso ini papanaog sang high pressure area.
Samtang ang ulan nga nagbubo kaina sang kaagahon sa pila ka areas sa Negros suno sa PAGASA ang dala lamang sang localized thunderstorms.
[sibwp_form id=1]