Shadow

Gina tun-an sang isa ka pribado nga kumpanya ang pagpatukod sang 300 megawatts nga liquified natural gas plant sa San Carlos City

Gina tun-an sa karon sang San Miguel Corporation ang pagpatukod sang 18.5 billion pesos nga LNG ukon liquified natural gas power plant sa San Carlos City nga maka generate sang 300 megawatts nga power supply.

Ini ang gin pahayag ni Negros Occidental consultant on economic affairs Albee Benitez.

Ini ang gina lantaw nila nga sabat sa problema nga kun mangin dependent ang Negros sa solar power, ano na lang ang matabo kun indi mag butlak ang adlaw.

Gani kinahanglan ang base load para constant ukon may maga pabilin nga supply sang kuryente bisan pa indi magbutlak ang adlaw.

Suno pa kay Benitez, kun matigayon ini, ang Negros Occidental ang mangin una nga probinsya nga completely dependent sa renewable energy sa Pilipinas.

Isa pa lamang ini ka proposal kag gina tun-an pa kag posible paga suguran sa madason nga tuig.

Ini ang gina lantaw nga sabat para mangin estable ang power supply sa probinsya.

Suno pa kay Benitez, ang Negros ang isa man sa karon sa mga gina lantaw sang Department of Energy nga mga probinsya nga posible pahamtangan sang nuclear power plant. Ang iban nga mga probinsya amo ang Cagayan kag Palawan.

Secured By miniOrangeSecured By miniOrange