Gina bulubanta 35,000 ang nagtambong sa peace rally sang Iglesia ni Cristo sa Provincial Capitol Park and Lagoon sa Bacolod City.
Suno kay Bacolod City Director, Col Joeresty Coronica, 35,000 ang crowd estimate as of 4pm.
Indi lamang mga katapo sang INC sa Bacolod kag Negros Occidental ang nagtambong sa peace rally kundi pati man ang iban nga mga miembro sini sa Negros Oriental.
Suksok ang mga puti nga t-shirt, panawagan sang grupo ang pag-isa para sa pungsod.
Sa mga placards naka saad nga dapat ang pungsod Pilipinas ang ulikdan kag indi ang personal nga mga tinutuyo.
Para kay Gaudencio Lamis nga taga Tangub, sa Bacolod City, nagtambong siya sa pagtililipon para magbuylog sa panawagan nga pag-isa kag likawan na ang pag dinumtanay para man sa ika tin-ad sang pungsod.
Si Criselda Barrientos naman nga taga Estefania diri sa Bacolod nagsiling nga siya ang nag tambong sa pag pakita sang suporta kay Vice President Sara Duterte kag sa panawagan sang kalinong.
Kinahanglan ang peace suno sa iya kay sobra na suno sa iya ang corruption kag indi na maayo ang pag padalagan sang pungsod.
Damlag pa, sa pahayag nga ginpa gwa sang INC paagi sa spokesperson sini nga si Bro Edwil Zabala, iya ginsiling nga ang INC pabor sa ginpahayag ni Presidente Ferdinand Marcos, Jr., sadto nga indi sini luyag ang impeachment kontra sa bise presidente.
Ginaklaro sang INC nga maayo ang ila nga tinutuyo kag para sa kalinong sang pungsod.
Dugang pa niya mas madamo ang kinahanglanon sang mga Pilipino nga dapat mahatagan atensyon kag indi ini matigayon kun puros lamang pag inaway.
Kulang kulang sa 150 ka personnel ang gin-deploy sang Bacolod PNP sa pag pasiguro sang peace ang order sa lugar.
Ang road closure sa dalan Lacson kag pag divert sang mga rota ang nag tuga naman sang pag kag guot sang dalagan sang trapiko.
Nag suspend naman ang Gobyerno Probinsyal sang half day nga trabaho sa Capitol based offices sini.
Ang pag tililipon kabahin sang nationwide nga peace rally sang INC.