Vaccine czar Seceretary Carlito Galvez ang nag endorso sang request sang Bacolod City nga dugang nga mga bakuna kontra Covid-19.
Base sa sulat ni Galvez kay Bacolod Mayor Evelio Leonardia, iya ginpasalig ang alkalde nga mahatagan ang siudad sang nagakaigo nga supply sang bakuna para mabakunahan ang tanan nga adult population sini.
Pero iya ginpahayag nga limitado pa sa karon ang global supply sang bakuna.
Gin endorse ni Galvez ang request sang Bacolod sa National Vaccination Operations Center para ma evaluate kag mahatagan sang pagtamud.
Bilang national president sang League of Cities of the Philippines, naghinyo man si Leonardia kay Galvez nga kun mahimo ma re-allocate ang mga bakuna sa iban nga mga probinsya kag siudad nga may mataas nga kaso sang Covid-19.
Prayoridad sa karon sang gobyerno ang pagbakuna sa National Capital Region plus, Cebu kag Davao.
Para kay Bacolod Emergency Operations Center executive director Em Ang dako ang mabulig sa pagpanubo sang mga kaso sang Covid-19 sa isa ka lugar kun mas madamo ang nabakunahan.