Isa ka bahin sang test sa module para sa grade one nga mga estudyante sa mga pampubliko nga eswelahan sa Bacolod ang gina pasa pasahan sa social media post.
Ang illustration sa araling panlipunan nga module ang naga laragway sang mga desks kag chairs kasubong sa isa ka classroom. Pero ang mga pamangkot nga nakasaad wala nagasanto sa ginapakita sa illustration. Ehemplo diri ginapamangkot kun diin makit-an ang mga kahoy. Diin nahamtang ang mga baroto?
Suno sa isa sa mga iloy ginabisuhan sila sang manunudlo nga indi na lang pag sabton ang pamangkot kag ini ang mangin bonus na lamang.
Naham-ot naman ang mga netizens sandig sa ila nga mga comment. Paathag sang Division Education program supervisor nga si Pinky Pamela Guanzon, para sa Araling Panlipunan, ang natungdan nga manunudlo amo ang nag himo sang test. Kay Division initiated ang mga module, dapat palarehas ini.
Sa ginpakita nga kopya sang gin-release nga module sang division, santo ang mga pamangkot sa illustration. Wala man sang reklamo sa iban nga mga eskwelahan. Wala labot diri maid-id ang pag check sa mga module antes gina reproduce sang mga manunudlo.
Gikan sa writer, ini ang gina check sang Quality Assurance ukon QA team sa grade level, sunod sa QA Division level kag gina re-QA. Gin pa pull out na ang amo nga test nga ginpanagtag sa onse ka mga section.