Trese tanan ka mga pilas sa nagkalain lain nga bahin sang lawas ang inisyal nga nakit an sang PNP sa bangkay ni Jose Eduardo Buot, 37 anyos.
Patimaan suno kay Police Major Ritchee Gohee sang kaakig kag dumot sang wala pa makilal an nga gunman nga nagtiru kag nakapatay sa iya sa gwa lang sang iya talyer sa Purok Kamunsil sa Barangay Villamonte sang Dominggo sang gabi.
Ginsiling man ni Gohee nga kabahin sa mga anggulo nga ila ginapadalman amo ang gina alegar pagbaligya sang biktima sang mga iligal nga pusil kag ang posible mga kapaslawan niya nga matuman ang mga transakyon sa ginadumala nga repair shop.
Nag gwa man sa pagpang usisa sang kapulisan nga ang biktima ang ginsundan sang gunman.
Ginatipon na sang PNP ang mga nakuha nila nga kopya sang Cctv nga malapit sa natabuan sang krimen agud makilal an ang gunman nga nalagyo sakay sa isa ka green nga awto.