Pilason ang 20 anyos nga si John Ray Aguda, nga gin reklamo sang pagpangawat, matapos ini aksidente nga matiruhan sang shotgun sang guwardiya sa dalan Lacson sa Bacolod City sang Martes sang gab-i.
Suno kay Major Ramel Sarona, hepe sang Police Station 1, nakita sang driver sang truck nga gin kuha ni Aguda ang iya sini nga bag nga naga unod sang masobra P12,000 nga balor sang kagamitan.
Nakapanugid gilayon ang biktima sa security guard sang isa ka balay suno kay Sarona.
Sang ila nakit-an ang suspek, nagbato suno sa pulis si Aguda kag nagpukutay sila sang armas sang guwardiya.
Didto na naglupok ang armas kag natiruhan sa likod si Aguda.
padayon siya karon nga ginabulong sa ospital.