Minor reshuffling sa Bacolod PNP wala kaangtanan sa mga kaso sang pagpaniro.
Ginsuguran na sang Bacolod City Police Office ang minor reshuffling sang mga police commanders.
Si Police Major Junji Liba sang Police station 9 magapamuno sang Bacolod Traffic Authority Office.
Magabulos sa iya bilang Station Commander si Police Captain Rondyl Tapang nga anay assistant head sang Mobile Patrol Unit.
May swapping naman sa tunga nanday Police Lieutenant Colonel Jose Edel Manzano kag Police Lieutenant Colonel Ariel Pico sang Bacolod City Mobile Force Company kag Mobile Patrol Unit.
Ginpahayag ni BCPO Director Police Colonel Thomas Joseph Martir nga ang panibag-o nga assignment ang wala kaangtanan sa nagaluntad nga mga kaso sang pagpaniro sa Bacolod.
Pero mahimu magpadayon pa ang reshuffling sang iban pa ka mga station commanders.
Nagpasalig man siya nga sa bulig sang pumuluyo matagaan nila sang kalubaran ang mga shooting incident sa siudad.