Aguinaldo kag Gatuslao Streets ginaplano nga himuon one-way sa tion nga ipatuman ang road closure para sa car-free Sundays sa dalan Lacson.
Kasubong sang ginapatuman nga traffic rerouting kada MassKara Festival, mangin one-way para sa mga naga-byahe nga salakyan padulong sa norte nga bahin sang siudad ang Aguinaldo street Para naman sa nagapadulong sa sur ang dalan Gatuslao sa tion nga ipatuman ang temporary road closure sa dalan lacson halin sa bangga Ramos asta North Capitol Road sumugod sa Hunyo 9 sa Domingo.
Sa gin-issue nga Executive Order ni Mayor Albee Benitez sirad-an ang portion sang dalan Lacson humalin las singko sang kaagahon asta las nuebe sang aga agud matagaan kahigayunan ang mga pedestrian kag mga joggers.
Kabahin ini sa mga programa sang siudad para mapabaskog ang kampanya para sa ikaayong lawas kag mapangapinan ang palibot.
Ginalauman sang alkalde kag pamunuan sang Bacolod Traffic Authority Office nga maaprobahan sang konseho ang hinyo para sa natalana nga road closure kag rerouting para sa car-free Sundays sa bulan sang Hunyo.