Ginkumpirma ni Congressman Greg Gasataya nga positibo siya sa Covid-19 kag sang Lunes pa lang nag self isolate na siya.
Suno sa kongresista nga ok lang ang iya pamatyag kag naga attend sang hearings sa congress online.
Ginkumpirma ni anay councilor Caesar Distrito kag spokesperson sang grupo asenso nga may siyam ka iba pa nga kaupod nila padulong sa Japan ang nag positibo man sa Covid 19 nalakip na ang iya iloy nga si Councilor Simple Distrito. Ang anay konsehal ang nag negatibo naman sa virus.
Wala na gin isa isa ni Distrito kun sanday sino ang mga nag positibo pero naga lakip ini sang mga konsehal kag mga punong barangay.
Tanan sila nag self isolate na humalin pa sang nag abot sa Bacolod sang Lunes.
Una nga nahibaluan nga si Mayor Albee Benitez ang nag positibo sa virus sang nagpa RT PCR test siya antes kun tani sang meeting nila ni Presidente Ferdinand Bongbong Marcos Jr.