Bacolod Congressman Greg Gasataya ang nagsiling nga kinahanglan sang panibag-o nga endorsement sang Sangguniang Panlungsod sang Bacolod ang redistricting bill para ini ang maka giho sa Kongreso.
Ini matapos nga nagpasar sang resolusyon ang Sangguniang Panlungsod sang Bacolod kahapon para hibaluon gikan kay Gasataya ang status sang hagna nga nagatuyo magtunga sang siudad sa duha ka distrito.
Ginpahayag ni Gasataya nga pending sa karon ang hagna sa House committee on local government kag kinahanglan sang panibag-o nga resolusyon gikan sa s-p nga nagapabor sa pagtunga sang Bacolod.
Pero indi mapat-od ni Gasataya kun bala mahingagaw ini pasar bilang kasuguan antes ang eleksyon sa bulan sang mayo sa madason nga tuig.
Ginpahayag naman ni Vice Mayor El Cid Familiaran nga handa naman ang konseho nga talakayon sa ila session kun luyag sini nga magpasar sang panibag-o nga resolusyon para sa endorsement sang redistricting bill.
Kun matigayon tunga sa duha ka mga distrito ang Bacolod, maga kahulugan nga may isa ka mayor, duha ka kongresista, duha ka vice mayor kag duha man ka set sang councilors ang siudad.