Mahimo nga madugangan pa ang mga alkalde nga maga pabakuna sang Sinovac vaccine upod kay Negros Occidental Governor Eugenio Jose Lacson bwas nga adlaw.
Suno kay Dr Ernell Tumimbang, ang provincial health officer, si Kabankalan City Mayor Pedro Zayco kag La Castellana Mayor Rhumyla Nicor Manguilimutan ang maga pabakuna man.
As of press time gina pat-od pa kun maga upod si Mayor Alejandro Mirasol sang Binalbagan. Damlag pa si Hinobaan Mayor Ernesto Estrao, Hinigaran Mayor Nadie Arceo kag Manapla Mayor Manuel Escalante ang nag pat-od na nga sila ang maga pabakuna.
Suno kay Tumimbang, ang qualified nga mga alkalde mga senior citizens kasubong man ang may co-morbidity.
May apat ka mga board members ang maga pabakuna man. May mga naka lista man nga mga department heads. Sila ang mga substitute. Suno kay Tumimbang, senior citizens man ini sila kag mga frontliners.
Suno kay Lacson, Sinovac vaccine na ang ibakuna. Wala sa karon sang supply sang Astrazeneca suno sa PHO. Sandig sa memorandum sang DOH ginpa dispose ini kag bisan gani ang gintalana kuntani sa second dose ang gin lakip na sa gin dapat.
Dugang pa ni Lacson nagpasalig naman ang gobyerno national nga maga abot santo sa tion nga kinahanglanon na ang supply para sa second dose sang Astrazeneca.
Samtang, as of April 29, 12,835 ka mga medical frontliner ang nabakunahan sa mga 28,000 nga target.