Garbage trap ipamutang sa Mambuloc creek agud mapaiway ang paghaboy sang basura sa nalimpyuhan na nga sapa.
Nahak-ad na sang amphibious excavator ang pila ka tonelada sang basura sa Mambuloc Creek halin sa nasakpan sang Barangay 10, 8 asta sa Barangay 2 sa Halandon Bridge.
Ugaling indi mapaiway ang mga sagbot nga padayon nga gina-anod sa sapa karon nga nagsugod na ang tig-ululan.
Ginsiling ni DRRMO head Dr. Anna Maria Laarni Pornan, maga-pamutang sila sang gargabe trap sa nalimpyuhan nga sapa agud mapaiway ang paghaboy sang basura.
Halos kada tuig ginapatuman ang clearing kag dredging operation sa Mambuloc Creek kabahin sang tikang agud mapahagan-hagan ang problema sa baha sa reclamation area.
Ginalauman sang siudad nga sa bulig sang mga barangay mabantyan kag mapahagan- hagan ang paghaboy sang basura sa sapa nga amo ang nagadugang sa problema sa baha.