Duha ka teams ang gin-deploy agud i-monitor ang 151 ka mga gasolinahan sa siudad sang Bacolod.
Ini ang base sa mando sang Department of Energy agud sigurohon nga ang tanan nga mga gasolinahan nagasunod sa eksakto nga price range.
Ginsiling ni Atty. Marty Go, Secretary to the Mayor, ang duha ka grupo ang magalibot adlaw-adlaw kag magabantay pati na sa mga konsumedor agud malikawan ang hoarding sang produkto petrolyo.
Kutob sa mga nagapamalibad nga magpa-inspect nga mga gasolinahan ang gilayon nga i-report sang LGU sa DOE.
Ginklaro man ni Go nga ang direktiba sang DOE sa LGU ang mag inspect lang apang ang pag-issue sang show cause order kag posible nga penalidad sa mga nagalapas ang yara na sa DOE.
Ang monitoring ang magapadayon tubtob nga magbalik na sa normal ang presyo sang gatong.
Ang amo nga monitoring teams ang ginalakipan sang mga personnel gikan sa City Mayor’s Office, Legal Office, Treasurer’s Office, Business Permit and Licensing Office kag Government Communication Office.*
[sibwp_form id=1]