Mga fruit vendors, pila diri mga nagabutan sa raffle ang wala gihapon nagsaylo sa ila mga pwesto sa sulod sang merkado.
Nagligad pa nga sinemana nga ginapasaylo ang 27 ka mga fruit vendors nga napilian sa raffle sa sulod sang bag-o kaayo nga Libertad Market Annex Building.
Pero asta subong naga serbe lang nga tambayan ang sulod sang merkado bangud nagapabilin gihapon sa gutter sa kilid sang dalan ang mga fruit vendors.
Pila sa ila ang wala malista sa masterlist kag wala magabutan sa raffle.
Kutob lang subong nga adlaw ang ginhatag sa ila nga plaso para magsaylo sa sulod sang merkado.
Ginsiling ni City Legal officer Romeo Carlos Ting, Jr., kun indi magsaylo ang mga fruit vendors nga napilian sa raffle ihatag sang siudad ang ila pwesto sa mga interesado magbaligya sa sulod merkado.
Ginapaabot naman sang mga fruit vendors nga malimpyohan sang siudad ang mga nagabaligya sa gwa sang merkado antes sila magsaylo.