Isa ka ceremonial spraying sa pagpamuno ni Negros Occidental Governor Eugenio Jose Lacson kag Provincial Veterinarian Dr Renante Decena ang ginsakdag nga ginsaksihan sang mga katapo sang ABINO ukon Association of Broiler Integrators Of Negros Occidental kag mga contract growers gikan sa 218 ka mga farms.
Suno kay Governor Lacson, ang Provincial Fly Control Program ang kabahin sang pagpatuman sang executive order angut sa biosecurity measures agudto ma kontrol kag madula ang fly infestation sa mga poultry farms sa Negros Occidental.
Ang problema sa langaw ukon fly infestation suno kay Lacson ang una na nga ginpadangat sang tourism sector. Paathag ni Lacson, antes pa man nag ginuwa ang mga coffee shop ang mga poultry farms yara na nga daan sa mga natungdan nga lugar.
Wala sang tuyo ang probinsya nga mag relocate sang sini nga mga poultry farms rason nga ang spraying gamit ang safe chemicals ang isa sa mga tikang nga ipatuman.
Maga hatag man sang human resource ang probinsya bahin diri. Suno kay Lacson sa pagtililipon kaina ginpasalig sang grupo ang ila nga compliance.