Las onse kaina sang aga tigayon na nag nagbalik ang operations sa Bacolod-Silay Airport.
Ini matapos gin-cancel ang biyahe sang mga eroplano kagab-I kag kaina sang aga bangud sang paglupok sang bulkan Kanlaon. Sa datus sang Civil Aviation Authority of the Philippines sang Hunyo 3, 630 ang stranded passengers kag sang aga sang Hunyo 4, 871 ang na-stranded.
Samtang, may mga evacuees naman nga nagbalik na sa ila nga mga balay. Suno sa Provincial Social Welfare Development Office ang mga evacuees sa Pontevedra nga 104 families ang nagbalik na sa ila puluy-an. Ang mga evacuees sa Moises Padilla suno sa PDRRMO ang nakabalik naman. Naga abiso ang PDRRMO labi sa sa mga lugar nga may ash fall kag mapanimahuan ang asupre nga mag gamit sang face mask kag magsunod sa abiso sang otoridad.
Ang Diocese sang San Carlos naman ang naga panawagan sang bulig para sa mga nagakinahanglan kag apektado dala sang pagbuga sang bulkan Kanlaon. Ini sa gin pagwa nga pastoral message ni Bishop Gerardo Alminaza. Naga panugyan man siya sa publiko nga mangin kalmado kag ibutang ang lubos nga pagsalig sa Ginoo kag tutukan ang safety sang tanan.