Vice Governor Jeffrey Ferrer ang nag kumpirma nga siya ang maga balik sa 4th District sa 2025 nga piniliay. Gobernador Eugenio Jose Lacson ang gin-endorso naman ni Mayor Albee Benitez para sa iya nga re-election bid sa 2025.
Sa speech ni Mayor Albee sa pagtililipon sa Overseas Filipinos Migrant Fair kaina iya gin-endorse si Lacson para sa 2025.
Suno sa alkalde nga katapo sang Love Negros, iya gina endorse kag gina suportahan ang re-election bid ni Lacson.
Sa interview sang Digicast Negros, ginsiling ni Benitez nga sa December 4 maga sapol ang Love Negros para ma formalize ang plano. Si Lacson suno kay Benitez ang mangin official candidate sang Love Negros sa 2025.
Sa interview naman sang media kay Vice Governor Ferrer iya ginsiling nga luyag niya padayunon ang mga nasugdan nga programa sa 4th District.
Ang iya asawa nga si 4th District Congresswoman Juliet Marie Ferrer ang maga tapos na sang iya nga term sa 2025.
Suno sa Vice Governor indi magpapili ang iya asawa.
“Ang wala ko natapos gin continue ni Yoyet and indi matapos ni Yoyet i-continue ta”, suno kay Ferrer.
Samtang, Si Vice Gov Ferrer nga Presidente sang United Negros Alliance ang nagsiling nga sa idalom sang coalition, ginkasugtan na nga ang UNegA na ang magapili sang iga field para sa vice gubernatorial post para sa 2025.
May tatlo tubtob apat ka mga ngalan ang gina pilian sa karon.
Kag base man sa ginkasugtan sang coalition sang UNegA kag Love Negros, patapuson si Governor Eugenio Jose Lacson sang iya ikatlo nga termino sa 2025 tubtob 2028 suno kay Ferrer.
“Ang amon ya naistoryahan ang commitment patapuson si Governor Bong sang iya term up to 2028”, suno kay Ferrer.