
Natalana nga maga-file ang Bacolod LGU sang Special Project Permit para sa construction sang expansion sang sanitary landfill sa Barangay Felisa.
Itukod ini sa duha ka ektarya nga duta sakop sang kapin 30 hectare property nga pagabaklon sang siudad paagi sa landbanking program.
Suno kay Ma. Fe Trespuentes, pamuno sang Bacolod Environment and Natural Resources Office, nga nalakip man sa ila ginaduso ang plano nga pagpatukod sang masobra 4-hectare eco-park sa sulod man sang pagabaklon nga propiedad.
Sa pagsinapol sang katapo sang Solid Waste Management Board gin-presentar man sang BENRO ang pagpatukod sang dugang nga road network para sa ginaplano nga recycling facility nga itukod man sa tupad sang sanitary landfill.