Face to face classes sa mga elementary school sa banwa sang EB Magalona ang gin-suspend kasunod sang kaso sang hand foot and mouth disease.
Sa post sang Tumandok sang EB Magalona, naka saad nga ang suspension sang face to face nga klase sa elementary schools sang banwa duha ka adlaw – Hulyo 10 kag Hulyo 11. Nalakip na diri ang mga child development centers.
Ini sandig sa Executive Order nga gin pa gwa ni Mayor Matthew Louis Malacon.
Suno kay Vice Mayor Marvin Malacon may walo ka mga eskwelahan nga nagalakip man sang high school ang may kaso sang HFMD.
Klaro niya indi man tanan, pero may pila ka mga kaso nga na-record. Sa post sang Tumandok sang EB Magalona as of July 9, may 18 ka HFMD cases ang na-record.
“EO number 41 and 42. 41 is for the suspension of classes with case of foot and mouth disease, those schools nga may cases. Number42 is the preventive measures sa ina nga mga cases. Right now walo ka school and one day care center, elementary ang high school. Indi man tanan ang na apektuhan. When you say school, ang na apektuhan, one classroom man lang”, suno kay Malacon.
Ginsiling ni Provincial Health Officer Dr Girlie Pinongan nga sa na submit nga record sa ila nga talatapan may yara sang clustering of cases sa pila ka eskwelahan kaangay EB Magalona Elementary School nga may 9 ka kaso.
Ang pag shift karon sang klase gikan sa face to face padulong sa alternative delivery mode of learning maga hatag sang ligwa nga makapatuman sang clean-up sa mga eskwelahan.
Gina pahanumdom sang PHO ang pagpatuman sang frequent hand washing para malikawan ang amo nga masakit. Rashes sa kamot, tiil kag sa baba ang masami makit-an sa na infect sang hfmd nga may upod nga paghilanat.
Viral ang amo nga masakit nga masami makuha paagi sa close contact.
“I-intensify lang gyapon ang frequent handwashing especially sa aton mga kabataan, may fever sila. Present gid na ang fever. May sore throat tapos ang bata feeling unwell, tapos may mga rash. Amo na makita ta sa mga kamot, sa mga tiil”, suno kay Pinongan.
Samtang, humalin Enero tubtob June 28 may 828 ka HFMD cases ang na record sang Negros Occidental. Pinaka madamo ang siudad sang Bago – 241 cases.