Mga ginikanan nagalaum nga magpadayon na ang face to face classes sa pagsugod man bukas sang klase sa mga private schools sa Bacolod.
Makit-an ang excitement kag kalipay sang mga estudyante sa pagsugod man sang hybrid face to face classes sa Jack and Jill School Homesite.
Ini ang una nga inadlaw nga naka-upod liwat sang mga estudyante ang mga manunudlo makaligad man ang duha ka tuig nga napaiway ang in-person classes tungod sang Covid 19 pandemic.
Kadam an sa mga estudyante naka complete uniform.
Hugot man nga ginapasiguro ang minimum health protocol sa eskwelahan, nalakip diri ang pag gamit sang face mask kag pagkuha sang temperature sang mga kabataan.
May duha pa ka mga school campus ang buluthuan nga karon ginagamit para sa online classes.
May pila pa ka mga private schools sa siudad nga magabukas man sa madasun nga semana.
Gani madamo sa mga ginikanan ang nagalaum nga kuntani magtayuyon na ang pagpatuman sang in-person classes karon nga halog na ang mga restrictions.