Shadow

Mga stalls sa Manokan Country gin suprise inspeksyon

YouTube player

Isa ka surprise inspection ang ginpatigayon kaina aga sang katapo sang katapo sang joint market inspection team sa Manokan Country.

Sa pagpanguna ni Councilor Celia Flor upod sa mga opisyales sang City Legal Office, City Treasurer’s Office, City Health Office kag Office of the Building Official ila ginlibot ang mga stalls. Gin-usisa ang mga permit kag pati na mga kusina sang mga kalan-an.

May nakit-an sila nga mahigko nga mga kusina nga isa ka bayolasyon sa sanitation….

Natukiban man sang inspection team nga kalabanan sa mga stall owners ang wala man maka renew sang ila nga mga business permit.

Isa sa mga kalan-an nanglaksam na sa propiedad sang siudad.

Siling ni City Administrator Atty. Boyet Maghari, maga issue sila sang notices sa mga stall owners angut sa mga violation nga nakit-an sa Manokan.

Sa pagsinapol nag ayo ang asosasyon sang mga stall owners nga matagaan sila sang kahigayunan nga mabayaran ang ila utang nga wala sang penalidad.

May masobra 8.6 milion pesos ang sulukton ang siudad sa Manokan Country nga kabahin sang kapin P35 million pesos nga sulukton sang siudad para sa renta sa tatlo pa ka mga merkado.

Secured By miniOrangeSecured By miniOrange