Shadow

Extension sang Comelec registration nagsugod na

Liwat na nga nagsugod Comelec registration sa bacolod kaina sang aga. Madamo sa gihapon sang nagpila sa mall pero mas may sistema na.

Malawig sa gihapon ang pilahay sa Comelec registration sa Bacolod nga ginpatigayon sa SM City Bacolod.

Suno sa kay Atty. Kathrina Trino-Cana, elections officer sang Comelec-Bacolod, well coordinated sa nagkalain lain nga mga ahensya sang gobyerno ang liwat nga pagbukas sang voters registration kaina sanga aga.

300 lang ang sarang nila nga ma accommodate humalin las 8 sang aga tubtob las 5 sang hapon.

Tatlo ka adlaw ang Comelec Bacolod registration sa SM, pero sa madason nga mga inadlaw patigayunon ini sa Ayala Malls Capitol Central kag Robinsons Place Bacolod.

May natalan man nga registration sang bjmp facility ugaling gina finalize pa. Ang ulihi nga inadlaw sang registration ang patigayunon naman sa coliseum sang University of St. La Salle Bacolod kun mag
pasugot ang tagdumalahan sang USLS.

Suno pa kay Cana, ang naga tuga sang delay sa pila amo sa gihapon ang kulang nga requirements sang mga mapa rehistro. Gani naga pangabay siya sa mga naga plano nga magpa rehistro nga kompletohon anay ang requirements. Ang lisatahan sang mga kinahanglan idal-on ang yara lang sa Comelec website.

Leave a Reply

Your email address will not be published. Required fields are marked *

Secured By miniOrangeSecured By miniOrange