Duha ka bulan nga pagpalawig sang Car-free Sundays sa dalan Lacson sa Bacolod kag pagpatuman sang temporary closure sang Fr. Ferrero street sa reclamation area ang aprobado na sang konseho.
Pending sang ginadihon nga ordinsa may angut sa Car-free Sundays, gin-concur sang katapo sang konseho sang Bacolod ang ginhinyo ni Mayor Albee Benitez nga paglawig sang Car-free Sundays sa duha pa ka bulan.
Gani magapabilin ang temporary road closure halin sa bangga Ramos asta sa South Capitol Road-Lacson agud magamit sang mga fitness enthusiasts asta sa sini nga Hulyo kag Agosto.
Ginpaboran man sang konseho ang pagpatuman sang temporary road closure sang Fr. Ferrero Street agud masiguro mangin hilway ini para sa ginapaabot nga construction sang bag-o nga Manokan Country sa reclamation area.
Ang portion sang dalan ang ginaplano nga ipagamit sa mga tenants nga sarang maapektuhan sang joint development project sang siudad upod sa SM Primeholdings Incorporated.