Pagpatuman sang experimental re-routing para sa mga modernized jeepney nga magabyahe sa dugang nga rota gin-idog sa Disyembre 7.
Magluwas nga wala pa naaprobahan sang konseho, pagatun-an pa sang Bacolod Traffic Authority Office ang pagtalana sang kadamuon sang mga modernized jeepney units halin sa lima ka bag-o nga rota nga magabyahe sa Ayala Capitol Centrale. Suno kay BTAO head Patrick Lacson, ila man gina-consider ang Christmas rush amo nga sa baylo nga sang nagligad nga Disyembre 1, gin idog ang pagpatuman sang experimental re-routing para sa lima ka mga rota.
Nalakip diri ang mga jeep nga nagabyaje Eroreco, Fortune Towne, Alijis, Shopping-La Salle kag Homesite.
Plano sang BTAO nga gamiton ang dalan San Juan para sa new routes.
Magatukod man sang terminal ang tagdumalahan sang mall sa ila nga parking area sa kilid sang dalan San Juan.