Shadow

Ex-army nga naniro kay ginsita nga wala naga sukok helmet nagsungka

Courtesy of Salta Canlaon

Nag surrender na sa otoridad ang retired army nga si Manuel Abrenica matapos niya tiruhon ang kapulisan kahapon nga nag resulta sa pagkapilas sang isa ka pulis.

Suno kay Police Lt Col Joeseon Parallag, hepe sang Canlaon PNP, si Abrenica ang ginsita sang traffic enforcers kag kapulisan sa dalan sa midtown area sa siudad sang Canlaon bangud wala siya sang suksok nga helmet.

Gin paggwa suno kay Parallag ni Abrenica ang iya pusil kag gin taya sa mga pulis kag enforcer antes ini nga nag palagyo.

Ginlagas man siya suno sa pulis tubtob sa iya sini balay pero sa pag abot didto, gin pangluhtang na sila ni Abrenica.

Pilason matapos maigu sang bala si Police Executive Master Sargeant Carlo Garcia.

Pero ang PNP ang padayon nga nag istorya sa suspek sa iya sini pag surrender kag mismo si Canlaon City Mayor Jose Chubasco Cardenas ang nakigsugilanon man para mag surrender ang anay army.

Matapos sang kapin isa ka oras nga negosasyon, nag sungka man si Abrenica sa bulig man sang iya pamilya.

Detained na siya karon sa Canlaon PNP.

Leave a Reply

Your email address will not be published. Required fields are marked *

Secured By miniOrangeSecured By miniOrange