Shadow

Empleyado sang Toboso LGU nga imbulbado sa hit and run nga kaso gintiro, patay

Toboso PNP photo

Bag-o lang naka abot sa ila nga balay sa Barangay Poblacion sa Toboso sang Dominggo sang aga ang 54 anyos nga si Eddie Gumban sang siya ang gin lulthang sang wala pa makilal-an nga mga persona nga nag resulta sa iya kamatayon.

Sa imbestigasyon sang pulis, ma park na kun tani sang iya ginadala nga motorsiklo si Gumban sang gin palapitan siya sang apat ka persona kag isa sa ila ang nagtiro sa iya sa ulo. Liwat pa siya nga gin tiro sang iban pa nga suspek sang iya na pagkatumba antes sila nag palagyo sakay sa ila mga motor.

Suno kay Police Lieutenant Kenneth Paul Magan, hepe sang Toboso PNP, blanko pa sila karon kun ano ang motibo sa pag patay kay Gumban.

Si Gumban nga anay empleyado sang LGU ang gindakop sang nagligad lang nga bulan matapos ma involve sa hit and run kun sa diin siya ang nag palagas pa sa kapulisan kag nakuha sa iya ang iya armas nga gin taya niya man sadto sa mga pulis.

Leave a Reply

Your email address will not be published. Required fields are marked *

Secured By miniOrangeSecured By miniOrange