Patay ang 18 anyos nga babayi nga estudyante matapos mabungguan sang motorsiklo sa Barangay Maayong Tubig, Dauin, Negros Oriental Biyernes sang gabi.
Nakuha pa sa CCTV video ang insidente .
Nagatabok ang biktima mismo sa pedestrian lane kaupod ang duha pa niya mga abyan sang mabungguan sang naga sibad nga motorsiklo.
Naigo ka motor ang duha ka estduyante.
Nag angkon sang bali sa tiil ang 17 anyos samtang ang 18 anyos naman nga si Jelyn Garces Ariola ang naglabog kag patay na sang mag abot sa ospital.
Suno kay Police Lt. Stephen Polinar, spokesperson sang Negros Oriental Police Provincial Office, gina usisa na nila ang natabo nga insidente.
Isa ka patrolman ang naga dala sang motor kag naka assign ini sa Regional Mobile Force Batallion.
Gikan pa siya sa Cebu kag padulong kuntani sa Siaton, Negros Oriental.
Nag angkon man siya sang mga samad sa lawas.
Kun mag desisyon ang pamilya sang estudyante nga kasuhan siya, magapangatubang ang pulis sang kaso nga reckless imprudence resulting in homicide and physical injury.