Makita ang epekto sang El Niño sa katubuhan sa tion nga mag sugod na ang pananum.
Ini suno kay 5th District Representative Dino Yulo nga nag paathag nga subong padayon pa man ang galing kag diri pa naka tutok ang mga mangunguma.
Kag dugang pa niya sa pila ka mga areas sakop sang 5th District sang Negros Occidental, padayon pa ang pag tupa sang ulan.
Sa pihak nga bahin, naga pati si Yulo nga ang P2,600 nga mill-gate price per 50 kilogram bag sang kalamay ang pierde. Paathag niya ang pag saka sa balayran sang labor, kasubong man sa produkto petrolyo, abono kag ang pag igo sang peste nga RSSI sa katubuhan ang nag pasaka sang production costs rason nga indi maka bawi sa P2,600 nga mill-gate price sa karon.
Gina duso subong sang Sugar Council kag labor groups ang P2,900 nga mill-gate price sa kada 50 kilogram bag nga sa pag pati man ni Yulo sarang na makabawi ang mangunguma.
“Siguro amon gina estimate makita gid ni ya naton ang effect sang El Niño the moment they start planting. Kun ano bala kadasig magsuyop ang init sang tubig sang kadutaan after sang initial nga stage sang termination dira gid guro naton mabatyagan,” suno kay Yulo.
[sibwp_form id=1]