Empleyado sang water district patay sa nagluntad nga pagpaniro sa Barangay Cubay sa La Carlota City.
Padulong sa La Carlota City proper ang biktima nga si Wilbert Solina sakay sa iya motorsiklo sang hinali na lang siya gintiro sang gunman nga sakay sa green nga auto pasado las onse y medya Biyernes sang aga.
Sa imbestigasyon sang La Carlota PNP, nag gwa nga ginsundan sang gunman ang biktima nga empleyado sang La Carlota City Water District.
Nag-angkon sang pilas sa nawala nga guya ang biktima tuga sang igo sang bala sang wala pa mapat-ud nga calibre sang pusil.
Madasig naman nga nakapalagyo ang gunman.
Samtang ginhingaw dala sa ospitl ang biktima apang wala na siya matabangan pa kag napatay.
Ginapadalman na sang kapulisan ang kaso agud makilal-an ang gunman kag mapat-ud ang motibo sa nagluntad nga krimen.