Nag-viral ang video nga gin-post sang isa ka concerned citizen kun sa diin makita ang isa ka lalaki nga naga suksok sang uniform sang Bacolod City Legal Office Enforcement Team samtang nagamaneho sang motorsiklo nga wala sang helmet.
Ginkumpirmar ni Atty. Marty Go, Secretary to the Mayor, nga isa ka job order employee sang CLO ang lalaki sa video.
Matapos nga nag-viral ang amo mga post, ginpatawag ni City Legal Officer Karol Joseph Chiu ang empleyado agud makahatag sang iya bahin.
Suno sa paathag sang empleyado, nagdul-ong siya sang iya bata sa eskwelahan kag naghingagaw lang ini balik pauli sang makuhaan sang video.
Gin-isyuhan na sang Bacolod Transport and Traffic Management Department ukon BTTMD ang natungdan nga empleyado sang violation ticket kag ginpabayad sang isa ka libo ka pesos bangud sa wala pagsuksuk sang helmet.
May driver’s license man kag OR CR ang empleyado suno kay Go.
Nagapaandam ang siudad sa tanan nga mga empleyado lakip na ang mga Job Order workers nga kun sila mismo ang maglapas sang layi sa dalanon hatagan sila sa gihapon sang nagakaigo nga penalidad.
“Indi na justifiable nga rason nga nag sugat kalang sa bata mo. The fact is nag drive ka sang motor mo nga wala helmet. Kinahanglan nga iya gid naya bayran or kinahanglan nga iya na atubang ang offense kag violation”, suno kay Go.
[sibwp_form id=1]