Sa hot-pursuit operation Lunes nga adlaw, nadakpan sang Moises Padilla PNP ang suspek nga nagbuno sa isa ka lalaki, rason sang iya kamatayon sa Sitio Buringot, Barangay Odiong sa banwa sang Moises Padilla sadtong Domingo.
Ginkilala ang nadakpan kay alyas “Dan”, naga-obra sa kampo kag residente sang Brgy. Kamandag sa banwa sang La Castellana.
Samtang ang biktima amo si alyas “Randy”, 28-anyos, taga Brgy. Odiong. Nakaangkon siya sang buno sa natu-o nga ilok kag dughan.
Nagwa sa imbestigasyon nga nag-abot ang hubog nga suspek upod ang tatlo niya ka mga abyan kag nagpanghangkat sang inaway. May isa ka residente nga nag-gwa kag nagpakalma sa suspek apang sa baylo, siya ang ginsumbag.
Pagkakita sang biktima nga nagatindog sa waiting shed, nagtambag ini kag ginbuno sang suspek.
Ginsiling ni Police Major Ryan Villasario, hepe sang Moises Padilla PNP, kahulugbon ang motibo sa insidente.
[sibwp_form id=1]