Collector sang Binalbagan Isabela Sugar Company ukon BISCOM ang nabungguan sang sang pick-up.
Patay si Renzyl Rex Italia, 33-anyos, matapos mabungguan sang pick-up ang ginamaneho sini nga motor sa national road sa may Brgy. San Vicente banwa sang Binalbagan Sabado sang gab-i.
Residente siya sang Brgy. Aguisan, Himamaylan City.
Suno sa kay Police Major Randy Babor, Chief of Police sang Binalbagan PNP, padulong sa sur nga direksyon si Italia kag tuyo kuntani nga mag overtake apang ini ang natumba kag gina-alegar nabungguan sang naga sugata nga pick-up.
Ginhingagaw pa dala sa ospital ang biktima apang ini ang gindeklarar nga dead on arrival. Sa karon padayon ang pagpangita sa pick-up nga gina-alegar nakabunggo sa biktima.