Criminology student ang patay matapos mahulog sa tricycle kag mabungguan sang mini van.
Makita pa sa CCTV video ang pagkahulog gikan sa tricycle sang 23 anyos nga estudyante nga si Ayessa Ace Abellar sadtong Nobyembre 17, sa Burgos-Extension, Barangay Estefania, sa Bacolod City.
Gin panaugan siya sang pasahero pero dugay-dugay may naga hagunos nga mini van nga naka bunggo sa biktima nga naga kaya pa sa dalan.
Nadala pa sa hospital ang biktima apang gindeklarar nga dead on arrival bangud sa naagom nga pilas sa lawas.
Suno kay Police Captain Peter John Ramos, hepe sang police station 4, kahapon nagsungka ang driver sang mini van nga ginkilala sa kay Kimberly Rambillo.
Suno sa pulis, ginkulbaan si Rambillo pagkatapos sang natabo rason nga wala siya gilayon nagsungka sa otoridad.
Detained karon si Rambillo sa custodial facility sang police station 4 kag naka gwa naman ang driver sang tricycle nga ginkilala kay John Helmar Pido.
Ginahulat sang kapulisan ang desisyon sang pamilya ni Abellar kun magapasaka sila sang kaso.