Emergency classes sa pila ka mga eskwelahan sa Bacolod magapadayon bangud sang kakulang sang classroom.
Nagapanawagan man ang DepEd sang suporta sa pagsugod sang Brigada Eskwela.
Nagsugod na balik sa eskwelahan ang mga estudyante upod as ila mga ginakanan sa una nga adlaw sang Brigada Eskwela sa Estefania Elementary School kaina sang aga.
Pila sa mga ginikanan nagbulig panglimpyo sang mga classroom sa tuyo nga mahanda ang eskwelahan sa pagbukas sang klase sa madasun nga semana.
Ginsiling ni school principal Mary Grace Mallen, magapadayon ang pagpatuman nila sang emergency classes halin Grade 1 asta Grade 3 tungod ginakulang gihapon ang mga classrooms.
Ginapaabot sang pamunuan sang eskwelahan nga magsaka pa ang masobra 2,500 ka mga estudyante sang buluthuan sa sini nga school year 2024 – 2025.
Sa karon, nagapadayon ang construction sang dugang nga school buildings agud matatapan ang kadamuon sang mga estudyante.