Sa pag paseguro sang transparency and accountability, mga Election Officer nga may mga himata nga maga papili ang mahimo nga iga-reshuffle.
Ini suno kay Provincial Elections Supervisor, Atty Ian Lee Ananoria. May pila na ka mga Election Officer suno sa iya ang nagpahibalo nga basi may mga himata sila nga maga papili sa Barangay kag SK Elections.
Padayon sa karon ang preparasyon para sa BSKE. Base sa calendar of Activities naka schedule sa September 8 to October 5 ang filing sang certificates of candidacy.
Suno kay Ananoria pag katapos na sang filing sang COC kag mapat-od naman gid kun may himata nga nag papili ang Election Officer nga naga pungko, kag amo ang pag patuman sang reshuffling sandig man sa approval ni COMELEC Commissioner George Garcia.
Samtang, October 22 to 31, naman ang campaign period.
November 2 sini nga tuig naka schedule ang piniliay.
[sibwp_form id=1]