Nag nubo sa 66 percent ang kadamuon sang dengue cases sa bilog nga Negros Island Region.
As of July 4, may 1,675 ka dengue cases ang na-record.
Suno kay Adrian Hort Ramos ang assistant Regional Director sang Department of Health Negros Island Region, sa ila nga datus, sa kasubong nga tion sang 2025, 4,951 ang na-record kadamuon sang dengue cases sadto.
Pero, maid-id sa gihapon ang ila nga pag monitor sa dengue.
Ang 6 to 10 year age group ang nag record sang pinaka madamo nga dengue cases – 278 cases ukon 16.6 percent sa kabilugan nga na-record nga kaso.
Pinaka diutay naman nga naka record apektado sang dengue ang mga lapsag kag sa mga senior citizen ukon 60 anyos pasaka.
Bahin naman sa clinical classification sang mga kaso, pinaka madamo ang severe dengue – 56.4 percent ukon 944 sa mga na-report nga kaso.
Mga 0.54 percent naman ang dengue deaths.
Sa 1,675 ka dengue cases, 527 diri ukon 31.5 percent ang laboratory confirmed paagi sa NS1 antigen test. Ang nabilin nga mga kaso ayhan probable, suspected ukon discarded cases nga sang ulihi gin classify bilang negative.
[sibwp_form id=1]