Shadow

Eid’l Adha gina saulog sang Muslim community subong nga adlaw

Mga tradisyunal nga pahampang sa mga kabataan ang ginpaiway anay sang katapo sang Muslim community sa Bacolod sa paghiwat sang Eid’l Adha karon nga pandemic.

Nagtipon sa Masjid ang pila ka mga katapo sang Muslim community sa Bacolod sa paghiwat sang Eid’l Adha ukon Feast of Sacrifice kaina sang aga.

Pero matapos ang pagpangamuyo kag tradisyunal nga pagsalo salo sa gin-ihaw nga karnero kag baka, wala na sang mga naandan nga pahampang nga ginhiwat para sa mga kabataan.

Hugot man nga ginpatuman sa Masjid ang social distancing, pagsuksok sang facemask kag faceshield.

Suno kay Imam Abulkhair Carcauga, pamuno sang Muslim community sa Bacolod, kasubong sang ehemplo sang pagsakripisyo ni Abraham.

Dapat man mag-sakripisyo ang mga tumuluo pinaagi sa pagsunod sa mga health protocol ilabi na karon nga pandemic.

Leave a Reply

Your email address will not be published. Required fields are marked *

Secured By miniOrangeSecured By miniOrange