Patay ang 26 anyos nga si Vincent Canete nga naga dala sang tricycle samtang pilason naman ang iya pasahero nga si Jojean Pura matapos makabunggo sa truck ang ila nga tricycle sa highway sa Barangay Poblacion sa San Enrique.
Sandig sa imbestigasyon sang PNP, nag likaw sa ido ang tricycle nga yara sa tunga sang dalan gani nag kadto ini sa lane sang naga sugata nga truck kag nag head on collision.
Naglabog sa tricycle ang driver kag ang pasahero.
Dead on arrival na sa ospital si Canete samtang padayon naman nga gina bulong si Pura.