Economic growth kag infrastructure development projects mangin kabahin sang SOCA ni Mayor Albee Benitez bwas, Miyerkules.
Nakahanda na ang tanan para sa State of the City Address ni outgoing Mayor kag karon Congressman-elect Albee Benitez sa bwas sa Bacolod City Government Center.
Ginsiling sang alkalde nga luyag niya tagaan atensyon ang nalab-ot nga economic growth sang siudad sa idalom sang iya pagpamuno.
Nalakip man sa iya tagaan prayoridad ang mga infrastructure development projects halin sa construction sang mga pasilidad nga magabulig sa pagpasanyog sang serbisyo sa pumuluyo kag nakapahagan-hagan sang problema pareho sang pagbaha.
Mangin kabahin man suno sa iya ang mga ginakabig “super people”, mga indibidwal kag organisasyon nga nangin instrumental sa padayon nga paglab-ot sang handom sang siudad nga mangin isa ka supercity.