Kadamo sang mga tourist destinations sa Northern Negros Natural Park nga sarang ma enjoy kag makadtuan sang lokal nga mga turista lang anay karon nga may pandemic pa.
Pero kinahanglan nga siguraduhon nga ang ini nga mga lugar ang dapat nga gina halungan kag wala gina guba sang mga turista.
Ini ang rason kun ngaa naga sapul sa karon ang CENRO kag mga tourism officers sang onse ka mga banwa kag siudad nga kabahin sa NNNP.
Luyag nila nga maka bangon ang turismo sa sini nga mga lugar nga wala gina butang sa alang alang kag gina guba ang mga tourist destinations.
Si Mayor Gerry Roxas sang Murcia ang host sang pagsinapul kag siya mismo ang naga abe abi sa sini nga mga plano bangud siya mismo naka kita nga kadako pa gid sang potensyal sang ila nga banwa bangud madamo pa sila sang waterfalls nga indi pa malab-ot sang mga turista bangud sa wala sang dalan.
Gani pinaagi sa pagbuligay sang nagkalain lain nga mga ahensya naga pati siya nga mangin isa man sila nga kaladtuan sang turista kun ma develop na ang ini nga mga lugar.
Dugang pa ni Gerangaya, dapat mapa hangop ang mga turista sang mga pwede kag indi kag dapat gina regulate ang ila nga pag bisita sa mga lugar para engkaso nga may gina himo nga indi amo, mahapos ang pag trace kun sino ang may kahimuan.
Serye sang workshops kag meetings ang ila nga ginahimo sa karon kag ang LGU nga wala naga padala sang tiglawas sa meeting ila nga gina bisita para mapahangop kun ano ka importante ang ini nga kampanya sang gobyerno.