Para ma regulate ukon ma likawan ang pag dugok sang mga pumuluyo sang siudad sa pito ka public cemeteries kag memorial parks sa Dumaguete City, gin mando sang lokal nga panguluhan nga dapat may pass ang nga pumuluyo sa pag padulong sa patyo.
Ini ang ila gintawag nga kalag kalag pass.
Ang tanan nga mga pumuluyo sang siudad nga maga bisita sa ila mga nagtaliwan nga himata humalin sa buwas tubtob Oktubre 28, kag sa Nobyembre 5 tubtob 7, dapat sila ang may kalag kalag pass nga mapakita.
Tagaan man sang isa lang ka oras ang tagsa sa ila pag bisita sa patyo.
Maga pabilin naman nga sarado ang mga patyo sa Dumaguete humalin Oktubre 29 tubtob Nobyembre 4 bilang pagsunod sa national guidelines agud mapaiway ang pagdagsa sang mga mabisita sa patyo sa tigkalalag ilabi na nga madamo pa sa gihapon sang kaso sang COVID-19 sa bug-os nga pungsod.