Nakilala na ang duha ka mga gina alegar nabilin nga pwersa sang NPA nga napatay sa engkwentro sa 94th Infantry Battalion sa Sitio Pisok, Barangay Buenavista, Himamaylan City kahapon.
Ang napatay amo sanday Joan Lacio Encancion alias “MARK/COVID”, Vice Commanding Officer sang Sentro de Grabidad Platoon kag si Jolina Martinez Sergio alias “CHLOE/19”, ang Political Instructor sang SDG Platoon.
Suno kay Brigadier General Orlando Edralin, Commanding Officer sang 303rd Infantry Brigade, mga pumuluyo sa lugar ang nagpahibalo sa army nga may mga rebelde nga naga pangilkil sa lugar amo kun ngaa nagpadulong didto ang mga soldado kag natabo ang encounter.
Nagdugay ang engkwentro sang lima ka minutos.
Nakuha sa encounter site ang isa ka M16 rifle, isa ka M14 rifle mga magzine kag bala.
Wala naman sang may nasamaran sa bahin sang 94th Infantry Battalion.
Padayon ang pursuit operation sang mga katapo sang militar.