Naghinyo na si DSSD-Bacolod OIC Alma Gustilo sa kapulisan nga mapa-autopsy ang bangkay sang nasapwan nga lapsag sa bakante nga lote sa Celita Village sa Barangay Alijis sang nagligad nga Miyerkules sang gab-i.
Ginapa-usisa na sang DSSD upod sa barangay kun sin-o ang mga nagbulusong nga iloy nga mahimo responsable sa pagbilin sang napatay nga lapsag nga lalaki sa lugar.
Ang DSSD ang handa nga magpasaka sang kaso.
Samtang gina-assess naman sang DSSD ang sitwasyon sang lapsag nga na-rescue matapos ginbilin man sang iya iloy sa Hacienda Guanzon sa Barangay Mansilingan.
Ginbalik na sa pamilya ang bata agud nga matatapan.
Naga panugyan si Gustilo sa mga ginikanan nga indi gid magduha-duha nga mangayo sang bulig ilabi na para sa mga kabataan bangud madamo sang pwede nga madangpan nga institution.