Duha ka suspected pertussis case gina-monitor sang Bacolod City Health Office. Duha pa ka mga sample specimen ang ginpadala sang Bacolod City Health Office sa Research Institute for Tropical Medicine agud mausisa ang suspected pertussis case.
Ginsiling ni Dr. Grace Tan, pamuno sang Environmental Sanitation Division sang CHO ang mga specimen nga igapaidalom sa RT PCR test ang gikan sa mga menor de edad.
Natalana pa nga maga pa gwa sang advisory ang CHO angut diri.
Nagligad lang nga semana sang isa ka duha ka bulan nga lapsag nga indi taga-Bacolod ang ginkuhaan man sang sample specimen para mauisa sang RITM tungod sang suspected pertussis case.
Ang pertussis ukon whooping cough isa ka makalalaton nga balatian nga masami naga-igo sa mga kabataan.
Padayon ang panugyan sang CHO sa mga ginikanan nga kumpletohon ang pagpabakuna sang ila mga kabataan, ilabi na ang naga edad lima ka tuig panubo agud mapangapinan sa kasubong nga balatian.