Pareho nga na patay ang duha ka mga persona matapos magbun-anay sa Sitio Lubi Brgy. Maninihon, Bayawan City sa Negros Oriental, Domingo sang hapon.
Ang biktima ginkilala sa kay alyas Joe kag residente sang Cebu City, samtang ang suspek ginkilala sa kay alyas Leo, 31-anyos kag residente sang amo nga lugar.
Suno sa kay Police Lieutenant Stephen Polinar ang spokesperson sang Negros Oriental Police Provincial Office nakainom ang biktima kag ang suspek kag hinali nag gabot si Leo kag ginbuno si Joe apang nakabalos ang biktima sa suspek.
May mga pilas ang duha nga nagresulta sa ila nga kamatayon, dugang pa ni Polinar nga pagdumot ang motibo sa krimen bangud nga ang biktima gina-alegar nagbuya sang indi manami nga sugilanon batuk sa suspek.
Sa karon padayon ang imbestigasyon sang kapulisan sa nagluntad nga insidente.