Shadow

Dugang pa gid nga mga empleyado sa Kapitolyo nag positibo sa COVID-19

Nadugangan pa gid ang mga empleyado sang probinsya nga nag positibo sa COVID-19.

Nagbukas naman ang talapan sang Provincial Administrator’s Office subong nga Lunes matapos nga gin-disinfect, pero nagdangat na sa pito ang nagpositibo sa COVID-19.

Suno kay Negros Occidental Governor Eugenio Jose Lacson ang una nga kaso amo ang iya sang isa ka empleyado nga nag paliwa liwa sang Biernes kag nag laton sa anum ka iban pa. Padayon ang contact tracing.

Gin swab man ang pito ka empleyado sang Safety and Security Division nga close contact sang isa sa nagpositibo.

May nagpositibo man nga isa sa Legal Office kag may duha ka active cases man sa Provincial Health Office kag duha man sa Teresita Lopez Jalandoni Provincial Hospital.

Suno kay Provincial Administrator Rayfrando Diaz, maga padayon ang four day work week para man nga indi ma apektuhan ang pagdul-ong sang serbisyo sang gobyerno probinsyal, pero ang mga empleyado nga naga lain ang pamatyag kag wala maka report ang iga paidalom na lamang sa swab test para malikawan ang paglapta sang COVID-19.

Ang mga yara naman sa field gina dumilian na nga mag bisita pa sa mga lugar nga gina kabig red areas ukon may mataas nga kaso sang COVID-19, tigaylo patigayunon na lamang ang mga tinutuyo paagi sa online.

“We will ask ang aton nga mga administrative officers kun sin-o dira ang mga empleyado nga nag kala absent tungod nga naglain ang ila pamatyag ipa swab ta na insigida para indi na maglapta in the work place ang aton nga virus. Ang aton nga 4-day work week will be maintained para indi man ma cripple ang aton nga gobyerno. Services can still be rendered to the general public,” suno kay Diaz.

Leave a Reply

Your email address will not be published. Required fields are marked *

Secured By miniOrangeSecured By miniOrange