Victorias City Mayor Javi Benitez nanawagan para sa dugang nga testing agud mapat-od ang ginkamatay sang masobra na isa ka gatos nga baboy sa siudad.
Nagapabilin nga ASF Free ang probinsya sang Negros Occidental.
Pero luyag ni Mayor Javi Benitez nga mapat-ud kun bala hog cholera ukon ASF ang kabangdanan sang ginkamatay sang masobra na 100 nga baboy sa siudad humalin sang nagligad nga Marso.
Nag-negatibo man sa ASF ang una nga test nga ginpatigayon sang siudad sa isa ka barangay pero may 5 pa ka mga barangay nga karon gina-monitor sang siudad bangud man sang pagkalamatay sang mga baboy.
Ang alkalde ang nanawagan na para sa liwat nga pagpatigayon sang testing sa mga baboy agud mapat-od kag mapahibalo ang publiko sa pihak sang mga pagkabalaka.
Nagapati man siya nga dapat makapangita na sang alternatibo nga tikang agud indi labi maapektuhan ang swine industry sa probinsya.