Ginpasaka na ang kaso nga murder batuk kay suspended Congresssman Arnie Teves, masobra duha ka bulan matapos ang pag patay kay Governor Roel Degamo kag siyam ka iban pa sa Pamplona, Negros Oriental.
Si Teves amo ang gina tudlo nga mastermind sa pagpatay kay Degamo.
Magluwas kay Teves, ginpasaka man ang kaso nga murder batuk sa iya anay aide nga si Marvin Miranda kag napulo ka iban pa nga imblbado sa assassination sa gobernador.
Ginpahayag man kahapon ni Justice Secretary Jesus Crispin Remulla, nga mapauli subong nga adlaw sa Pilipinas si Teves, apang ginakabig naman ini sang suspended Congressman nga fake news.
Ginpahayag sang iya sini abogado nga natalana gid man mag pauli si Teves pero wala pa mahibaluan kun san-o.